Երևան`   +9 °C
Այսօր`   Կիրակի, 22 նոյեմբերի, 2026 թ.

Սնոուդենի գրքի վաճառքից ստացված հասույթը կմնա ԱՄՆ իշխանությունների ձեռքում. Bloomberg

1860
Չորեքշաբթի, 18 դեկտեմբերի, 2019 թ., 15:45
Սնոուդենի գրքի վաճառքից ստացված հասույթը կմնա ԱՄՆ իշխանությունների ձեռքում. Bloomberg

ԱՄՆ իշխանություններն իրավունք ունեն առգրավել ամերիկյան հատուկ ծառայությունների նախկին աշխատակից Էդվարդ Սնոուդենի «Անհատական գործ» (Permanent Record) գրքի վաճառքից ստացված հասույթը: Այս որոշումը կայացրել է Վիրջինիա նահանգի շրջանային դատավորը, հայտնում է Bloomberg-ը: Նշվում է, որ գիրքը տեղեկություններ է պարունակում, որոնք Սնոուդենն ԱՄՆ Կենտրոնական հետախուզական վարչության հետ կնքված պայմանագրերի համաձայն, նախքան հրապարակումը պարտավոր էր ներկայացնել քննարկման: Այդ պատճառով Սնոուդենին չի հաջողվի շահույթ ստանալ «Անհատական գործ» գրքի վաճառքից: Սեպտեմբերին հայտնի դարձավ, որ ԱՄՆ իշխանությունները դատի են տվել Սնոուդենին՝ նրա գրքի պատճառով: ԱՄՆ արդարադատության նախարարությունը պնդում է, որ նա խախտել է համաձայնագիրը: ԱՄՆ գլխավոր դատախազի օգնական Ջոդի Հանթը նշել է, որ իշխանությունները թույլ չեն տա, որպեսզի «անհատները հարստանան Միացյալ Նահանգների հաշվին»: