ԱՄՆ իշխանությունները խոստովանել են, որ չեն կարողանա կանխել «Հյուսիսային հոսք-2»-ի շինարարության ավարտը. Bloomberg

ԱՄՆ իշխանությունները խոստովանել են, որ իրենք այլևս չեն կարող խանգարել «Հյուսիսային հոսք-2» գազատարի կառուցման ավարտը, սակայն նրանք մտադիր են դեմ հանդես գալ Ռուսաստանի այլ նախագծերի իրականացմանը: Այս մասին հաղորդել է Bloomberg-ը:

Ըստ ԱՄՆ վարչակազմի՝ Վաշինգթոնն այժմ գրեթե որևէ լծակ չունի գազատարի կառուցման համար, որը ներառվել է ԱՄՆ պաշտպանական բյուջեում։ Հայտնի է, որ Միացյալ Նահանգները նախատեսում է խոչընդոտներ ստեղծել Ռուսաստանի էնեգետիկ մյուս նախագծերին հակազդելու համար:
Գործակալության տվյալներով՝ Վաշինգտոնը մտադիր է ավելի մեծ ուշադրություն դարձնել այս խնդրին հաջորդ ամիս՝ Ռուսաստանում ԱՄՆ դեսպան Sոն Սալիվանի նշանակվելուց հետո:
Հայտնի է, որ ԱՄՆ նախագահ Դոնալդ Թրամփը նախկինում պատրաստակամություն է հայտնել ստորագրել 2020 ֆինանսական տարվա պաշտպանական բյուջեն: Ըստ հրապարակման գնահատականների՝ գազատարը պատրաստ կլինի շահագործման մինչև 2020 թվականի ապրիլ-հունիս ամիսները:

«Հյուսիսային հոսք-2» գազատարը կունենա տարեկան ընդհանուր 55 միլիարդ խորանարդ մետր հզորություն: «Հյուսիսային հոսք»-ն առաջին անգամ կապահովի ռուսական գազի ուղղակի առաքումն Արևմտյան Եվրոպա՝ շրջանցելով տարանցիկ երկրները, այդ թվում Ուկրաինան: Ռուսական «Գազպրոմ» ընկերության եվրոպական գործընկերներն են՝ գերմանական Uniper և Wintershall, ավստրիական OMV, ֆրանսիական Engie և անգլո-դանիական Shell ընկերությունները: