Երևան`   +9 °C
Այսօր`   Կիրակի, 22 նոյեմբերի, 2026 թ.

«Եթե գործարարներն ուզում են ինքնամաքրվել ու քաղաքին նվեր են անում, վատ չէ, բայց ինչո՞ւ՝ գաղտնի». ավագանու «Լույս» խմբակցություն

1074
Երեքշաբթի, 26 նոյեմբերի, 2019 թ., 11:35
«Եթե գործարարներն ուզում են ինքնամաքրվել ու քաղաքին նվեր են անում, վատ չէ, բայց ինչո՞ւ՝ գաղտնի». ավագանու «Լույս» խմբակցություն

«Հիմա մեր կառավարությունը խոշոր սեփականատեր Սամվել Ալեքսանյանին այլևս չի ընդունում որպես նախկին Հանրապետական: Ինձ ապշեցնում է հետևյալ հանգամանքը. այն խմբակցությունը, որը յուրաքանչյուր եկած բեռնատար նկարում ու «Ֆեյսբուք»-ում տարածում էր, այսօր չի ցանկանում անդրադառնալ հարցին, թե այդ 2 տասնյակից ավելի մեքենաներն ո՞ւմից է նվեր ստացել և ինչի՞ դիմաց: Եթե իրենք ասեին, որ «Ալեքս Հոլդինգը» ցանկանում է իրենց նվեր անել, ես կհասկանայի, բայց եթե իրենք դա ամիսներ շարունակ գաղտնի են պահում են, ես այստեղ խնդիր եմ տեսնում». նոյեմբերի 26-ին Երևանի ավագանու նիստի մեկնարկից առաջ լրագրողների հետ զրույցում հայտարարեց ավագանու «Լույս» խմբակցության ղեկավար Դավիթ Խաժակյանը: Նրանց զայրացրել էր այն հանգամանքը, որ քաղաքային իշխանությունը Սամվել Ալեքսանյանից կոմունալ տեխնիկա՝ մեքենաներ է ստացել, որը հանրությունից գաղտնի է պահվել և արվել է առանց ավագանու իմացության ու հաստատման:

«Եթե գործարարներն ուզում են ինքնամաքրվել ու քաղաքին նվեր են անում, դա վատ չէ, բայց ինչո՞ւ է գաղտնի արվում»,- հարցադրեց խմբակցության անդամ Անի Խաչատրյանը:

Նույն խմբակցության ավագանու անդամ Թեհմինա Վարդանյանն էլ համեմատություն արեց՝ նշելով, որ դա նման է քաղաքային նախկին իշխանության գործելաոճին, երբ շինթույլտվություն ստանալու դիմաց գումարներ էին փոխանցվում «Երևան» հիմնադրամին: