Երևան`   +14 °C
Այսօր`   Ուրբաթ, 29 մարտի, 2024 թ.

Թբիլիսիում դատարանը մեղավոր է ճանաչել ցույցերի ժամանակ ձերբակալվածների մի մասին

787
Հինգշաբթի, 21 նոյեմբերի, 2019 թ., 17:45
Թբիլիսիում դատարանը մեղավոր է ճանաչել ցույցերի ժամանակ ձերբակալվածների մի մասին

Հինգշաբթի երեկոյան Թբիլիսիի քաղաքային դատարանը որոշում կայացրեց Թբիլիսիի խորհրդարանի շենքի առջև անցկացվող ցույցերի ժամանակ խուլիգանության և ոստիկանության անհնազանդության համար ձերբակալված ցուցարարների վերաբերյալ։ 37 ցուցարարից 10-ին վարչական կալանք նշանակվեց, տուգանվեց մեկ անձ, ազատ է արձակվել մեկ մարդ։ Մնացած 25 մարդու դատավարությունը կշարունակվի այսօր, այս մասին հայտնում է վրացական «Первый канал» ալիքը:

Վրաստանի ՆԳՆ-ն նոյեմբերի 18-ին՝ խորհրդարանի շենքի մոտ ցույցերի ժամանակ ձերբակալել էր 37 ցուցարարի:
Դատարանն արդեն երրորդ օրն է քննում է ձերբակալվածների գործը, իսկ չորեքշաբթի օրը դատական նիստը սկսվեց կեսօրից և տևեց մինչև կեսգիշեր: Դատական նիստը կայացավ շենքի ներսում՝ բակում գտնվող ցուցարարների կողմից աղմուկի և ցույցերի ֆոնին: Ցուցարարները վրդովված էին, որ իրենց թույլ չեն տվել մուտք գործել դատարան, մինչդեռ վրացական «Привели» հեռուստաընկերությունն ուղիղ եթերով հեռարձակել էր դատական նիստը։ Լրագրողների մուտքը դատարանի դահլիճ նույնպես մերժվել էր:
Հեռուստաընկերության տեղեկություններով՝ «10 ձերբակալվածներ ենթարկվել են մինչև 13 օրվա կալանքի, մեկ մարդ տուգանքի՝ հազար լարի (մոտ 340 դոլար): 25 անձի գործի քննությունը հետաձգվել է»: