«Ինչո՞ւ Իսրայելը դեռ չի ճանաչել Հայոց ցեղասպանությունը». Սոլովյով
Ռուս հայտնի հաղորդավար Վլադիմիր Սոլովյովը «Россия 1» հեռուստատեսությամբ հեռարձակվող «Երեկոն Վլադիմիր Սոլովյովի հետ» իր հեղինակային ծրագրի եթերում սուր քննադատության է ենթարկել ԱՄՆ Սենատում Հայոց ցեղասպանության մասին բանաձևի շուրջ քվեարկության տապալումը։ Նա հիշեցրել է, որ Հայոց ցեղասպանությունը եղել է 20–րդ դարի առաջին ցեղասպանությունը, որի ժամանակ Օսմանյան կայսրությունում սպանվել են հայեր և այլ քրիստոնյաներ։ «Հայ ժողովուրդը տասնամյակներ սպասում է, որպեսզի Միացյալ Նահանգները ճանաչի Հայոց ցեղասպանությունը, բայց նրանք այս հարցը համարում են որպես քաղաքական»,- հայտարարել է լրագրողը: «Եվ ահա, թվում էր՝ վերջապես Կոնգրեսը և Սենատը ճանաչել են այն։ Բայց հանկարծ Էրդողանի հետ հանդիպումից հետո սենատորը վետո է կիրառում: Եվ հասկանալի է դառնում, որ դրանք ոչ թե սկզբունքներ են, այլ հարգանքի բացակայություն հայ ժողովրդի հանդեպ և ուղղակի քաղաքականություն»,– հավելել է Սոլովյովը։ Նա նաև անդրադարձել է Իսրայելի կողմից Հայոց ցեղասպանության ճանաչման խնդրին՝ նշելով, որ նա քննարկել է այս թեման իսրայելցի պետական գործիչների հետ: «Ես չեմ հասկանում, թե ինչպես մի ժողովուրդ, որն անցել է աղետի սարսափով և Երկրորդ համաշխարհային պատերազմից հետո պետականություն ձեռք բերել, ինչո՞ւ նրանք մինչ այժմ պաշտոնապես չեն ճանաչել Հայոց ցեղասպանությունը: Կարծում եմ, որ դա ճիշտ չէ: Բարոյականությունը պետք է լինի առաջնային»,- հավելել է Սոլովյովը: |
«Այսօր որևէ մեկը չի խոսում թուրքերի կողմից զավթված մեր սեփականության մասին». Տիգրան Պետրոսյան
7403:06«Աննային մուծվում էին նաև, երբ նա «Հայկական ժամանակ» թերթի լրագրող էր». Նարինե Կիրակոսյան
8702:18Դերասան Արման Նավասարդյանը Կիրանցում է (տեսանյութ)
8800:54«Հարյուրավոր մեր քաղաքացիներ իրենց վկայականները ձեռքներն սպասում են ձեզ, այ ըտեղ վեր ընգած ոչմիբաներ». Գառնիկ Դանիելյան (տեսանյութ)
8800:48«Ազգ, որին համառորեն փորձում են դարձնել մաթևոսյանական հանճարով նկարագրված կով». Արմեն Աշոտյան
9300:24«Կիրանցում մարդկանց մի մասն իրենց երեխաներին հանել է գյուղից». Գոհար Վարդանյան
9000:18