«Լուսավոր Հայաստանն» առաջարկում է հատուցում նախատեսել նաև երրորդ խմբի հաշմանդամություն ունեցող զինծառայողներին
![]() ՀՀ ԱԺ պաշտպանության և անվտանգության հարցերի մշտական հանձնաժողովում նոյեմբերի 11-ին քննարկվեց, սակայն չքվեարկվեց «Լուսավոր Հայաստան» խմբակցության պատգամավոր Մանե Թանդիլյանի ներկայացրած օրինագիծը, որով առաջարկվում է փոփոխություն կատարել «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում և առողջությանը պատճառված վնասի դեպքում հատուցում նախատեսել նաև երրորդ խմբի հաշմանդամություն ունեցող անձանց դեպքում: Նախագծի հեղինակ Մանե Թանդիլյանն ասաց. «Մեր առաջարկը չի վտանգելու հիմնադրամի կայունությունն ու շարունակականությունը»: Ըստ հիմնավորման՝ ներկայումս հիմնադրամի կողմից հավաքագրվող միջոցները գերազանցում են արդեն իսկ կատարված հատկացումների չափը, հիմնադրամը մշտապես գործող կառույց է և արդեն իսկ կուտակել է մեծածավալ պարտականություններ՝ առաջիկա քսան տարվա համար: Այժմ հիմնադրամի կողմից հավաքագրված միջոցները մոտ 17 մլրդ դրամ են, իսկ 2,5 տարվա ընթացքում հատուցումներն ընդամենը 1,2 մլրդ դրամ են կազմել: Հետևաբար, նախագծով առաջարկվող փոփոխությունը չի վտանգի հիմնադրամի ֆինանսական կայունությունը: Ավելին, քննարկվող օրենքի հոդվածերից մեկով ևս նախատեսում է շահառուների այլ շրջանակի և հատուցումների ավելացում՝ կախված ֆինանսական գործունեության արդյունքներից: Հարցի քվեարկությունը հանձնաժողովը թողեց հաջորդ նիստին՝ հնարավորություն տալով կառավարությանն ավելի մանրամասն ծանոթանալ թվային տվյալներին: |

Շրջանների զգալի մասում սպասվում են տեղումներ, քամու ուժգնացում (լուսանկար)
7308:18
«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան
159Երեկ, 21:48
«Եթե Փաշինյանը վստահ է իր ուժերի վրա, թող ազատ արձակի քաղբանտարկյալներին, և գնանք արտահերթ ընտրությունների». Անդրանիկ Թևանյան
157Երեկ, 21:24
Սաուդյան Արաբիան ավիահարվածներ է հասցրել Եմենի Հոդեյդա նավահանգստին (տեսանյութ)
227Երեկ, 20:55
«Ոչ մի վկա Սամվել Կարապետյանի ոչ թե դեմ, այլ անգամ նրա վերաբերյալ ցուցմունք չի տվել». Ռուբեն Հակոբյան (տեսանյութ)
152Երեկ, 20:48
Քալիֆոռնիայի գլխավոր դատախազը հետաքննություն է սկսել Nvidia ընկերության նկատմամբ
326Երեկ, 19:24
