Երևան`   +9 °C
Այսօր`   Կիրակի, 22 նոյեմբերի, 2026 թ.

Facebook-ի աշխատակիցները բողոքում են ընկերության քաղաքականությունից

1911
Երեքշաբթի, 29 հոկտեմբերի, 2019 թ., 18:50
Facebook-ի աշխատակիցները բողոքում են ընկերության քաղաքականությունից

Facebook սոցցանցի հարյուրավոր աշխատակիցներ նամակ են հղել ընկերության ղեկավար Մարկ Ցուկերբերգին՝ դատապարտելով այն որոշումը, որը թույլ է տալիս քաղաքական գործիչներին ցանկացած հայտարարություն տեղադրել կայքում, նույնիսկ կեղծ: Նամակի տեքստը հոկտեմբերի 28-ին հրապարակել է The New York Times-ը:
«Facebook-ը մի հարթակ է, որտեղ մենք կարող ենք քննարկել և տարբեր կարծիքներ փոխանակել, արտահայտել մեր տեսակետները: Ահա, թե ինչն է մեր խոսքը և տեխնոլոգիաները նշանակալի դարձնում աշխարհի մարդկանց համար»,- ասվում է նամակում:
Ըստ աշխատակիցների՝ նորամուծությունը չի պաշտպանում ձայները և թույլ է տալիս քաղաքական գործիչներին օգտագործել հարթակը՝ կենտրոնանալով այն մարդկանց վրա, ովքեր կարծում են, որ քաղաքական գործիչների կողմից հրապարակված նյութերը հուսալի են: