Հզոր պայթյուն՝ Քաբուլի արևմտյան հատվածում

Աֆղանստանի մայրաքաղաքում հզոր պայթյուն է որոտացել, ինչպես նաև հնչել են կրակոցներ, հայտնում է Tolo News-ը՝ վկայակոչելով ականատեսներին:

Դեպքը տեղի է ունեցել այսօր առավոտյան Քաբուլի արևմտյան հատվածում: Կայքի Twitter- ում տեղադրված կադրերում երևում է, թե ինչպես շենքից վեր է բարձրանում ծխի սյունը: Նախնական տվյալներով՝ պայթյունի նպատակը եղել է տեղակայված ոստիկանության բաժինը:
Պայթյունը հաստատել է նաև Աֆղանստանի ՆԳՆ ներկայացուցիչ Նասրաթ Ռահիմին: