Երևան`   +23 °C
Այսօր`   Կիրակի, 25 օգոստոսի, 2019 թ.

Հայաստանն Արցախին միացնող 150 կմ նոր ճանապարհ կկառուցվի

363
Չորեքշաբթի, 24 հուլիսի, 2019 թ., 10:50
Հայաստանն Արցախին միացնող 150 կմ նոր ճանապարհ կկառուցվի

Հաջորդ տարի Հայաստանն Արցախին միացնող 150 կիլոմետրանոց նոր ճանապարհ է ծրագրվում կառուցել: Այս մասին «Ազատության» եթերում հայտարարել է Անվտանգության խորհրդի քարտուղար Արմեն Գրիգորյանը:

«Հիմնական թիրախային թեման ռազմավարական ենթակառուցվածքներում ներդրումներն են, որպեսզի մենք կարողանանք և՛ բարձրացնել անվտանգությունը, և՛ տնտեսական հնարավորություններ ստեղծենք Արցախի զարգացման համար: Պետք է այնպես անենք, որ ներդրումները ռազմավարական ենթակառուցվածքներում արդյունավետ լինեն»,- ասել է քարտուղարը:

Նա նշել է, որ 2020 թվականին, նախնական քննարկումներով, նախատեսել են մինչև 150 կմ ճանապարհ կառուցել. «Կապանից մինչև Հադրութ ճանապարհն ենք քննարկում և ես հույս ունեմ, որ մինչև տարվա վերջ կամփոփենք քննարկումները և կունենանք ճանապարհային քարտեզ, թե ինչպես ենք կառուցելու այն»,-ասել է Գրիգորյանը: