Երևան`   +27 °C
Այսօր`   Երկուշաբթի, 26 օգոստոսի, 2019 թ.

«Ռոբերտ Քոչարյանին այցելել եմ մի քանի օր առաջ»․ Արման Թաթոյան

598
Երկուշաբթի, 15 հուլիսի, 2019 թ., 15:50
«Ռոբերտ Քոչարյանին այցելել եմ մի քանի օր առաջ»․ Արման Թաթոյան

Հուլիսի 10-ին Սահմանադրական կարգի տապալման մեջ մեղադրվող Ռոբերտ Քոչարյանի պաշտպան Հայկ Ալումյանը հրապարակային դիմել էր մարդու իրավունքների պաշտպան Արման Թաթոյանին, որ վերջինը միջամտի Քոչարյանի գործին:

Այսօր արդեն Արման Թաթոյանը նշեց, որ հարցը քննարկել է Ալումյանի հետ՝ պայմանավորվելով, որ ուսումնասիրություններ պետք է իրականացվեն՝ հասկանալու, թե այդ գործն արդյոք մտնո՞ւմ է ՄԻՊ-ի իրավասությունների մեջ, թե՝ ոչ:

Թաթոյանն ասաց, որ կալանավորումից հետո այցելել է Ռոբերտ Քոչարյանին. «Հաշվի առնելով այն մտահոգությունները, որ ուներ փաստաբանական թիմը և այլն, ինչպես նաև՝ պահման պայմանները՝ այցելել եմ մի Ռոբերտ Քոչարյանին քանի օր առաջ: Իմ խնդիրը հիմա հենց պահման պայմանների վերաբերյալ հարցերն են, որի հետ կապված դժգոհություն չներկայացվեց»,-ասաց Ա. Թաթոյանը:

Անդրադառանլով գործի դատական քննության հարցերին առնչվելուն՝ պաշտպանը նշեց, որ ինքը տեղեկացել է, որ այդ գործով ՄԻՊ-ն իրավունք չունի միջամտելու: