Երևան`   +2 °C
Այսօր`   Երեքշաբթի, 10 դեկտեմբերի, 2019 թ.

Փաշինյանը՝ ՔՊ առաջիկա անելիքների մասին

221
Կիրակի, 16 հունիսի, 2019 թ., 12:40
Փաշինյանը՝ ՔՊ առաջիկա անելիքների մասին

ՔՊ 5-րդ համաժողովի՝ այսօր կայացած նիստին ելույթ ունենալով՝ ՀՀ վարչապետ Նիկոլ Փաշինյանն, անդրադառնալով իրենց կուսակցության գաղափարախոսությանը, Փաշինյանը նշեց․

«Քաղաքական իմաստով մենք լիբերալ չենք, ցենտրիստ չենք, սոցիալ-դեմոկրատ չենք, մենք քաղաքացիական կուսակցություն ենք: Սա նշանակում է, որ մենք մեզ դուրս ենք դնում գաղափարախոսական ստանդարտներից և ձևավորում ենք գաղափարական նոր հարթություն, որը հիմնված 4 առանցքային սյուների վրա՝ պետականություն, քաղաքացիություն, ազգային ինքնություն, անհատականություն։ Մեր կուսակցության վերաբերյալ կան թյուրըմբռնումներ: Մեզ շատ հաճախ անվանում են լիբերալ կամ ցենտրիստ, բայց սա թյուրըմբռնում է, որովհետև մենք կուսակցություն ենք, որ մերժել ենք իզմերը, որովհետև ժամանակակից աշխարհում կարծրացած գաղափարախոսություններ այլևս գոյություն չունեն: Առաջիկա մեր ամենակարևոր անելիքը մեր կուսակցության շարքերը գաղափարապես առավել ամուր դարձնելն է։ Մեր տարածքային կազմակերպությունների վերակազմավորումն է մեր հաջորդ կարևոր խնդիրը։ Մեր առաջիկա խնդիրը 2021թ. ՏԻՄ ընտրություններին պատրաստվելն է։ Մենք քայլելու ենք և հասնելու ենք մեր երազանքներին ու նպատակներին»,- ասել է Նիկոլ Փաշինյանը։