Ֆրանսիայում բախում է տեղի ունեցել ոստիկանության և «դեղին ժիլետների» միջև

Ստրասբուրգում ոստիկանության և «դեղին ժիլետների» միջև բախում է տեղի ունեցել, հայտնում է ТАСС-ը: Նշվում է, որ ցուցարարները քարեր ու շշեր են նետել հասարակական կարգը պահպանող ոստիկանների ուղղությամբ: Ոստիկաններն արցունքաբեր գազ են կիրառել հավաքվածների դեմ:

Նշենք, որ սա Ֆրանսիայում «դեղին ժիլետների» ցույցերի արդեն 25-րդ շաբաթն է։ Այս անգամ շարժման ակտիվիստներն իրենց «մայրաքաղաք» են ընտրել Ստրասբուրգը։

Հիշեցնենք՝ Ֆրանսիայում վառելիքի թանկացման դեմ «դեղին ժիլետների» բողոքի ցույցերը սկսվել էին 2018-ի նոյեմբերին։