Երևան`   +4 °C
Այսօր`   Չորեքշաբթի, 18 նոյեմբերի, 2026 թ.

«Այս փոփոխությունը չի հանգեցնելու հարկային բեռի ավելացմանը»․ Հայկ Կոնջորյան

430
Երեքշաբթի, 09 ապրիլի, 2019 թ., 16:30
«Այս փոփոխությունը չի հանգեցնելու հարկային բեռի ավելացմանը»․ Հայկ Կոնջորյան

ԱԺ «Իմ քայլը» խմբակցության պատգամավոր Հայկ Կոնջորյանը ֆեյսբուքյան իր էջում գրել է․ «Սիրելի՛ քաղաքացիներ, այսօր Ազգային ժողովն ընդունեց հարկային օրենսգրքում փոփոխություններ և լրացումներ կատարելու մասին նախագիծը, որի համաձայն մայիսի 1-ից ԱԳԼՃԿ-ներում գազը կվաճառվի կիլոգրամով։ Այս փոփոխությունը չի հանգեցնելու հարկային բեռի ավելացմանը, ուստի այն չի ենթադրում գազի գնի բարձրացում այս պատճառաբանությամբ։ Եթե դուք ԱԳԼՃԿ-ներում հանդիպեք չարաշահումների, չհիմնավորված թանկացումների և սպառողներին մոլորության մեջ գցելու դեպքերի, խնդրում եմ գրեք իմ էջին՝ նշելով կոնկրետ ԱԳԼՃԿ-ի հասցեն և ներկայացրեք հստակ մանրամասները։ Ես կուսումնասիրեմ ձեր կողմից ուղարկված ահազանգերը և դրանք կտրամադրեմ իրավասու մարմիններին, որպեսզի անբարեխիղճ տնտեսվարողները խախտումների դեպքում ենթարկվեն պատասխանատվության և չկարողանան օգտվելով առիթից՝ դիմել տարբեր մանիպուլացիաների»։