Երևան`   +7 °C
Այսօր`   Երեքշաբթի, 17 նոյեմբերի, 2026 թ.

«Կարևորն այն է, որ արդեն մանրամասն խոսվում է այդ մասին». Աշոտ Միրզոյան

327
Հինգշաբթի, 28 մարտի, 2019 թ., 05:10
«Կարևորն այն է, որ արդեն մանրամասն խոսվում է այդ մասին». Աշոտ Միրզոյան

Գրող, հրապարակախոս Աշոտ Միրզոյանը ֆեյսբուքյան իր էջում գրել է. «Չգիտեմ, թե որքանով իրականություն կդառնա ԱԺ-ում վարչապետի ներկայացրած գյուղատնտեսական ծրագիրը։ Սակայն կարևորն այն էր, որ արդեն խոսվում է այդ մասին մանրամասն։ Նշվում էին որոշ ոլորտների նրբությունները։ Այսինքն՝ ուսումնասիրվել են, զուտ փողեր լվալու նպատակներ, կարծես, չկան։ Իհարկե, մեզանում կգտնվեն այնպիսիները, որոնք անպայման մախինացիաներ կփորձեն կատարել՝ մենք նման ազգ ենք նաև։ Բայց համապատասխան մարմինները պիտի խիստ վերահսկեն գումարների նպատակային օգտագործման ողջ գործընթացը։
Այո, շատ կարևոր է, որ բարձր տեխնոլոգիաների զարգացման առաջնահերթությանը զուգահեռ շեշտվում է նաև գյուղատնտեսության զարգացման առաջնահերթությունը։
Սա արդեն համակարգված մտածելակերպի արդյունք է։ Ողջունում եմ։
Թեև պիտի նաև զգուշացնեմ, որ ցանկացած մեխանիզմում մեկ դետալի խափանման պատճառով կարող է փչանալ ողջ մեխանիզմը։ Այդպես է նաև տնտեսության բոլոր բնագավառներում՝ մեկ սխալի պատճառով կարող է անարդյունք դառնալ ողջ ոլորտում կատարված աշխատանքները։ Ուստի կրկնում եմ՝ անպայման անհրաժեշտ է խիստ պրոֆեսիոնալ մասնագետների ներգրավումը»։