Վրաստանի ԱԳՆ-ն առևտրային նոր միջանցքների մասին կեղծ տեղեկություն տարածելու համար մեղադրել է «Коммерсант»-ին
Վրաստանի ԱԳՆ ղեկավար Դավիթ Զալքալիանին անդրադարձել է ռուսական մի շարք ԶԼՄ-ներում տարածված տեղեկությունն այն մասին, որ Աբխազիայի և Հարավային Օսիայի տարածքներով պլանավորվում է առևտրային նոր միջանցքներ ստեղծել: «Հերթական ապատեղեկատվությունը, որը տարածել են ռուսական ԶԼՄ-ները, և որն աջակցում են մեր ընդդիմախոսներն ու Վրաստանի նախկին նախագահը: Նման քննարկումն անընդունելի է, քանի որ այն իրականության հետ որևէ կապ չունի»,- ասել է Զալքալիանին: Նրա խոսքով՝ Ռուսաստանի և Վրաստանի միջև կնքված համաձայնագիրը «ենթադրում է տարանցիկ միջանցքների մոնիթորինգ, իսկ մնացած ամեն ինչ սուտ է»: Հիշեցնենք, որ «Коммерсант»-ն ավելի վաղ «Նոր միջանցքներ Հայաստանի համար. Ռուսաստանն ու Վրաստանն ավարտին են հասցրել քննարկումները» վերնագրով հոդված էր հրապարակել, որում ասվում էր, որ Մոսկվան և Թբիլիսին ավարտին են հասցրել 2011թ. ստորագրված «Ապրանքների առևտրի մաքսային վարչարարության և մոնիթորինգի մեխանիզմների մասին» համաձայնագրի իրականացման համար անհրաժեշտ գործընթացները: Համաձայնագիրը ստորագրվել էր 2011թ. նոյեմբերի 9-ին Ժնևում, դա փաստաթղթերի փաթեթի մի մասն էր, որը կնքվել էր Առևտրի համաշխարհային կազմակերպությանը Ռուսաստանի անդամակցության գործընթացների ժամանակ: Ռուսաստանն Առևտրի համաշխարհային կազմակերպության անդամ է դարձել 2012թ., սակայն Վրաստանի հետ համաձայնագիրը, որը ենթադրում է երկու երկրների միջև առևտրային 3 միջանցքի ձևավորում, որոնցից երկուսն անցնելու են Աբխազիայով և Հարավային Օսիայով, այդպես էլ չի աշխատել, Մոսկվայից և Թբիլիսիից 7 տարի է պահանջվել դրա իրականացման համար: Պարբերականը հայտնել էր նաև, որ համաձայնագրի մեխանիզմների իրականացման համար խոչընդոտներ չկան: |
«Բաքուն և Մոսկվան ևս մեկ վիթխարի նախագիծ կսկսեն». Ալիև
14122.04.2024, 22:54«Մեզ դուրս են թողնում «Հյուսիս-Հարավ» մեգածրագրից». Վահե Դավթյան
14922.04.2024, 01:36«Ուրացումը՝ կենսակերպ»․ Պետրոս Մակեյան
12021.04.2024, 16:18«Սամվել Ալեքսանյանի շահադիտական խորամանկությունը»․ Ոսկան Սարգսյան (լուսանկար)
15621.04.2024, 10:18«Ինչպես կորցրել ենք վրացական էլեկտրաէներգետիկ շուկան, այնպես էլ առաջիկայում կկորցնենք իրանականը». Վահե Դավթյան
15520.04.2024, 23:48ԵՄ-ն կողմ է Ռուսաստանի և Իրանի դեմ նոր պատժամիջոցների կիրառմանը
66918.04.2024, 22:48