ԱՄՆ-ը «նավթային» պատժամիջոցներ է սահմանել Վենեսուելայի դեմ

ԱՄՆ ֆինանսների նախարարությունը «նավթային» պատժամիջոցներ է սահմանել Վենեսուելայի պետական նավթային PDVSA ընկերության դեմ և արգելափակել ընկերության՝ 7 միլիարդ դոլարի չափով բաժնեմասերը, հաղորդում է ТАСС-ը՝ հղում անելով FT-ին:

Այս մասին հայտարարել է ԱՄՆ նախագահի ազգային անվտանգության հարցերով խորհրդական Ջոն Բոլթոնը:

Ընդ որում, ԱՄՆ ֆիննախը հայտարարել է, որ Վաշինգթոնը կչեղարկի պատժամիջոցները, եթե գործող նախագահ Նիկոլաս Մադուրոն համաձայնի նոր ընտրություններ անցկացնել:

«PDVSA-ի վրայից պատժամիջոցները կհանվեն, եթե երկրի գործող ղեկավարն իշխանությունը փոխանցի օրինական ճանապարհով ընտրված կառավարությանը»,- ասել է ԱՄՆ ֆինանսների նախարար Սթիվեն Մնուչինը:

Նրա խոսքով՝ վենեսուլական նավթի ցանկացած ձեռքբերում կհանգեցնի գնորդների հաշիվների արգելափակմանը:

Ջոն Բոլթոնն, իր հերթին, հայտարարել է, որ Վաշինգթոնը Վենեսուլայի զինվորականներին և անվտանգության ուժերին կոչ է արել ճանաչել երկրում իշխանության անցումը: