«Ադրբեջանին Ղարաբաղն այնքան էլ պետք չէ». Լապշին
![]() Ռուս-իսրայելցի բլոգեր Ալեքսանդր Լապշինը, ով այս օրերին գտնվում է Երևանում, մամուլի ասուլիսի ժամանակ հայտարարել է, որ ՀՀ ՊՆ-ին խնդրել է թույլ տալ իրեն այցելել սահմանային գոտի: «ՀՀ ՊՆ-ին խնդրել եմ թույլ տալ ինձ այցելել սահմանային գոտի, որպեսզի իմ բլոգում կարողանամ պատմել մարդկանց կյանքի մասին, ովքեր ապրում են Ադրբեջանի կրակոցների տակ գտնվող գյուղերում, մասնավորապես, Նոյեմբերյանի շրջանում: Հույս ունեմ՝ թույլ կտան: Դեռևս չեմ եղել Սյունիքում՝ Մեղրիում, բացառապես տուրիստական ծրագրեր ունեմ»,- ասել է Լապշինը: Հայաստանը, Լապշինի խոսքով, գրավում է իր բնությամբ, ճարտարապետությամբ, հետաքրքիր ժողովրդով, և այդ մասին կարելի է անվերջ խոսել: Նա նաև անդրադարձել է ԱՄՆ-ում և Ստրասբուրգում սկսված գործընթացներին, որոնց մասին ավելի վաղ հայտնել էր: «ԱՄՆ-ի մասին դեռևս չէի ցանկանա խոսել, քանի որ գործն ընթացքի մեջ է, և եթե ինչ-որ բան այնտեղ ակտիվանա, կհայտնեմ այդ մասին: Իսկ Ստրասբուրգում սկսվել են ադրբեջանական կողմի հետ շփումները, այսինքն՝ եվրոպական դատարանն ընդունել է իմ հայտը, դա շատ կարևոր փուլ է, քանի որ Ադրբեջանը տարբեր ջանքեր էր գործադրում դա թույլ չտալու համար»,- նշել է բլոգերը՝ հավելելով, որ իր հետ կապված ողջ պատմությունն Ադրբեջանին պետք էր ներքին օգտագործման համար: «Նրանց թշնամու կերպար էր պետք, որպեսզի հանրությանը շեղեին սոցիալ-քաղաքական խնդիրներից: Այսինքն՝ գլխավոր թշնամին Հայաստանն է, և նրանց Ղարաբաղն այնքան էլ պետք չէ, նրանց պետք է սառեցված հակամարտությունը, որպեսզի դրան վերագրեն իրենց բոլոր խնդիրները: Եվ եթե Լապշինը չլիներ, մի բան կմտածեին»,- ասել է Լապշինը: |

«Նիկոլական Հայաստանում երեխան կարդում է Սասունցի Դավթի մասին, բայց նրան չեն ասում, թե ինչ է Սասունը, որտեղ է այն գտնվում». Արմեն Հովասափյան
8214:06
Հրապարակվել են նոյեմբերի 29-ին կայանալիք տեղական ինքնակառավարման մարմինների ընտրությունների վերջնական ցուցակները
9313:54
Գեղարքունիքի և Լոռու մարզերում ուժեղ քամու հետևանքով ծառեր են տապալվել, տանիքներ են վնասվել
6613:42
«2020 թվականի նոյեմբերի 9-ի եռակողմ հայտարարությունը պետք է գործի՛». Նժդեհ Իսկանդարյան
10213:06
Ուկրաինայի զինված ուժերը զանգվածային հարձակում են իրականացրել ԴԺՀ-ի էներգետիկ օբյեկտների վրա
17312:25
«Հնարավոր է՝ ականատես ենք լինում միջազգային հարաբերությունների նոր մոդելի ձևավորմանը». Վահան Բաբայան
11012:00
