Թրամփը ներկայացրել է Պենտագոնի նոր ղեկավարին

ԱՄՆ նախագահ Դոնալդ Թրամփը ներկայացրել է Պենտագոնի նոր ղեկավարին: Նա Պենտագոնի ղեկավարի տեղակալ Պատրիկ Շանահանն է, ով կստանձնի իր պարտավորությունները 2019թ. հունվարի 1-ից, փոխանցում է BBC-ն:

«Ուրախ եմ տեղեկացնել, որ մեր պաշտպանության տաղանդավոր փոխնախարարը կստանձնի պաշտպանության նախարարի պաշտոնը 2019թ. հունվարի 1-ից: Պատրիկը մեծ հաջողությունների է հասել փոխնախարարի պաշտոնում»,- Twitter-ի իր էջում գրել է Թրամփը:

68-ամյա Ջեյմս Մեթիսի հրաժարականի մասին հայտնի էր դարձել դեկտեմբերի 21-ին: Մեթիսը պաշտոնը լքել է Թրամփի հետ տարաձայնությունների, մասնավորապես, Սիրիայից ամերիկյան զորքերը դուրս բերելու որոշման պատճառով: