Messenger-ը հնարավորություն կտա ջնջել ուղարկված նամակները

Facebook Messenger հանրահայտ հավելվածը վերջապես հնարավորություն կտա ջնջել ուղարկված նամակները: Ճիշտ է, դա հնարավոր կլինի անել ուղարկելուց հետո 10 րոպեի ընթացքում, այնուհետև տեքստը կամ էլ ֆայլը նորից կդառնա անջնջելի: Նոր գործառույթը հասանելի կդառնա Facebook Messenger 4-ի հերթական թարմացմամբ, որը կթողարկվի առաջիկա շաբաթների ընթացքում:

Սպասվում են նաև այլ բարեփոխումներ: Օրինակ, կբարելավվի որոնումը նամակների և կոնտակտների դաշտում, ավելացվել է «գիշերային» ռեժիմ, գունային աստիճանավորում և այլն: