«Ռուսաստանն ու Իրանը կարող են շրջափակել Ադրբեջանը». «Коммерсант»
![]() Մերձկասպյան պետությունների ղեկավարները մտադիր են օգոստոսի 12-ին Ակտաուում Կասպից ծովի իրավական կարգավիճակի մասին պայմանագիր ստորագրել, գրում է «Коммерсант»-ը: Պարբերականի զրուցակիցների խոսքով՝ կոնվենցիայի հետ միասին արձանագրություն կստորագրվի՝ Կասպից ծովում շրջակա միջավայրի վրա ծրագրերի ազդեցության ընթացակարգի գնահատման մասին: Ինչպես նաև դիտարկվում է տարբերակ, որի համաձայն՝ այդ փաստաթուղթը մեկ օր առաջ կստորագրեն արտաքին քաղաքականության գերատեսչությունների ղեկավարները կամ բնապահպանության նախարարները: Այդպիսով, Ռուսաստանն ու Իրանը կստանան գործիք, որը թույլ կտա հետաձգել Անդրկասպյան գազամուղի ծրագիրը, որով թուրքմենական գազ է մատակարարվում Ադրբեջանի միջոցով դեպի Եվրոպա: Կասպից ծովի չլուծված կարգավիճակն այդ գազամուղի կառուցման գլխավոր խոչընդոտներից է (Ռուսաստանի շրջացմամբ՝ գազի մատակարարում Ադրբեջանի միջով դեպի Վրաստան և Թուրքիա): «Коммерсант»-ի աղբյուրները բացառել են նաև վերոնշյալ գազամուղի ծրագրի հաջողությունը, նույնիսկ եթե արձանագրություն չստորագրվի: Աղբյուրները նաև նշել են, որ նույնիսկ առաջիկա 10 տարում չի ակնկալվում, որ թուրքմենական գազը կհասնի Եվրոպա: «Այդ ծրագիրը կարող է ակտուալ դառնալ միայն այն ժամանակ, երբ ադրբեջանական հանքավայրերը վերանան»,- հավելել են փորձագետները: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
