ՀՖՖ-ն հայտարարություն է տարածել
Հուլիսի 17-ին ՀՖՖ տեխնիկական կենտրոնում՝ Ֆուտբոլի ակադեմիայում կայացավ ՀՖՖ Գործկոմի հերթական նիստը: Օրակարգի առաջին հարցը վերաբերվում էր ՀՖՖ արտահերթ ժողով անցկացնելուն: Նշված անհրաժեշտությունը առաջացել է օրենսդրական փոփոխությունների հետևանքով, համաձայն որի ՀՖՖ-ն, որպես իրավաբանական անձանց միություն պետք է մինչև 2019թ-ի փետրվար ամիսը վերակազմակերպվի Հասարակական Կազմակերպության: ՀՖՖ վերակազմակերպման գործընթացը կուղեկցվի ՀՖՖ նախագահի և գործադիր կոմիտեի ընտրությամբ: Գործադիր Կոմիտեի անդամները տեղեկացվեցին նաև, որ ՀՖՖ-ն, ՖԻՖԱ-ի և ՈւԵՖԱ-ի հետ համատեղ մշակում է ՀՖՖ նոր կանոնադրության նախագիծ, որը պետք է ներկայացվի ՀՖՖ առաջիկա արտահերթ ժողովի հաստատմանը: Նոր կանոնադրության նախագծում հաշվի կառնվեն ինչպես ներպետական օրենսդրության փոփոխությունները, այնպես էլ ՖԻՖԱ-ի և ՈւԵՖԱ-ի կողմից ազգային ասոցիացիաների կանոնադրություններին ներկայացվող պարտադիր պահանջներում տեղ գտած փոփոխությունները: Գործադիր կոմիտեն որոշեց որպես արտահերթ ժողովի անցկացման նախնական ժամանակաշրջան սահմանել 2018թ-ի սեպտեմբերի 2-րդ տասնօրյակը: Օրակարգային հարցերի թվում Գործկոմի անդամները հաստատեցին ՀՖՖ ֆուտբոլիստների կարգավիճակի և տեղափոխության կանոնակարգում առաջարկվող փոփոխությունները և 2018-2019թթ. մրցաշրջանի ֆուտբոլի մանկապատանեկան և մանկական մրցումների անցկացման կանոնանակարգերը: Օրակարգային հարցերից էր «Շիրակ ՖԱ» ՀԿ-ի կողմից հուլիսի 16-ին ներկայացված դիմումի քննարկումը, որով ակումբը ՀՖՖ-ին ներկայացրել է՝ Հայաստանի ֆուտբոլի Բարձրագույն խմբի 2018-2019թ.-ի մրցաշրջանին մասնակցելու վերաբերյալ Հավաստագիրը: Հավաստագրի ուշ ներկայացումը ակումբը բացատրել է առաջին թիմի ռազմավարական ուղղության հստակեցման հետ: Գործադիր կոմիտեն քննարկելով ներկայացված դիմումը, հաշվի առնելով ակումբի երկրպագուների և ֆուտբոլասերների շահերը, մարզում ֆուտբոլի զարգացման ընդհանուր քաղաքականությունը՝ որոշեց բավարարել դիմումը և թույլատրել «Շիրակ ՖԱ» ՀԿ-ին հանդես գալ ՀՀ ֆուտբոլի Բարձրագույն խմբի առաջնությունում: Բարձրագույն խմբի առաջնությանը «Շիրակ ՖԱ» ՀԿ-ի մասնակցությունը թույլ տալու հետևանքով կանոնակարգի նախագծում և խաղացանկում առաջացած անհրաժեշտ նոր փոփոխություններ կատարելու անհրաժետությամբ՝ ՀՀ ակումբների միջև պրոֆեսիոնալ ֆուտբոլի 2018-2019թթ. խաղաշրջանի մրցումների անցկացման կանոնակարգի և խաղացանկի հաստատման օրակարգային հարցի քննարկումը հետաձգվեց երկու օրով: |
Երևանում անցկացվող իսպանական եզրափակչում «Պալման» հաղթեց «Բարսելոնային»
105Երեկ, 23:30Մահացել է Դավիթ Մարտիրոսյանը
15529.04.2024, 13:36Նարեկ Մանասյանը՝ բռնցքամարտի Եվրոպայի առաջնության արծաթե մեդալակիր
16129.04.2024, 00:24Բարեղամ Հարությունյանը՝ Եվրոպայի փոխչեմպիոն (տեսանյութ)
17928.04.2024, 21:18Հենրիխ Մխիթարյանի գրառումը՝ Հայոց ցեղասպանության 109-րդ տարելիցի կապակցությամբ
17924.04.2024, 23:54Գագիկ Նավոյանը՝ Հայաստանի մինչև 16 տարեկանների չեմպիոն
14021.04.2024, 16:06