Թրամփը հրաժարվել է խզել Ռուսաստանի հետ հարաբերությունները՝ Մեծ Բրիտանիայում թունավորման դեպքերի պատճառով

ԱՄՆ նախագահ Դոնալդ Թրամփը հայտարարել է, որ չի պատրաստվում խզել Ռուսաստանի հետ հարաբերությունները՝ Մեծ Բրիտանիայում տեղի ունեցած թունավորման դեպքերի պատճառով, հաղորդում է Sun-ը:

«Կարծում եմ՝ Չինաստանի և Ռուսաստանի հետ հարաբերությունները բարելավելը լավ է»,- ասել է Թրամփը՝ պատասխանելով լրագրողի այն հարցին, թե արդյոք նա կարող է վերանայել հուլիսի 16-ին Հելսինկիում ՌԴ նախագահ Վլադիմիր Պուտինի հետ հանդիպմանն իր մասնակցությունը:

Հիշեցնենք՝ Մեծ Բրիտանիայի Էյմսբերի քաղաքում «Նովիչոկ» նյարդապարալիտիկ նյութով թունավորման նոր դեպք էր գրանցվել: Թունավորված 44-ամյա Դոն Ստերջեսը հիվանդանոցում մահացել էր: Թունավորման նոր դեպքից տուժած մյուս՝ 45-ամյա բրիտանացի տղամարդը գտնվում է հիվանդանոցում, ծայրահեղ ծանր վիճակում: