Երևան`   +10 °C
Այսօր`   Երեքշաբթի, 17 նոյեմբերի, 2026 թ.

ԱԱ-2018. Ֆրանսիան հաղթեց Արգենտինային և դուրս եկավ 1/4 եզրափակիչ (տեսանյութ)

311
Շաբաթ, 30 հունիսի, 2018 թ., 19:55
ԱԱ-2018. Ֆրանսիան հաղթեց Արգենտինային և դուրս եկավ 1/4 եզրափակիչ (տեսանյութ)

Կազանի «Կազան Արենա» մարզադաշտում ավարտվեց ֆուտբոլի աշխարհի 2018 թվականի առաջնության 1/8 եզրափակչի Ֆրանսիա - Արգենտինա հանդիպումը։ Ֆրանսիան 4։3 հաշվով հաղթեց Արգենտինային։ Հանդիպման 11-րդ րոպեին Մարկոս Ռոխոն խաղի կանոնները խախտեց Կիլիան Մբապեի հետ պայքարում։ Մրցավարը 11-մետրանոց հարված նշանակեց, որն անվրեպ իրացրեց Անտուան Գրիզմանը։ Առաջին խաղակեսի վերջնամասում՝ 41-րդ րոպեին, արգենտինացիների կիսապաշտպան Անխել Դի Մարիան հավասարեցրեց խաղի հաշիվը։ Երկրորդ խաղակեսի 57-րդ րոպեին Արգենտինային առաջ մղեց Բենջամեն Պավարը: Հանդիպման 64-րդ և 68-րդ րոպեներին Կիլիան Մբապեն դուբլ ձևակերպեց՝ նժարը թեքելով Ֆրանսիայի կողմը։ Ավելացրած 3-րդ րոպեին Լիոնել Մեսսիի փոխանցումից հետո գոլի հեղիանակ դարձավ Սերխիո Ագուերոն՝ կրճատելով հաշվի տարբերությունը։ Այնուամենայնիվ, Արգենտինան չկարողացավ փրկել խաղը՝ այն լրացուցիչ ժամանակ տեղափոխելով։ Արդյունքում Ֆրանսիան դուրս եկավ 1/4 եզրափակիչ, իսկ Արգենտինայի համար առաջնությունն ավարտվեց։