Երևան`   +4 °C
Այսօր`   Չորեքշաբթի, 18 նոյեմբերի, 2026 թ.

«Լիդիանի խնդրից իրականում Հայաստանի նոր իշխանությունը կարող է դուրս գալ կրկնակի շահած». Հայկ Մարտիրոսյան

750
Շաբաթ, 30 հունիսի, 2018 թ., 12:35
«Լիդիանի խնդրից իրականում Հայաստանի նոր իշխանությունը կարող է դուրս գալ կրկնակի շահած». Հայկ Մարտիրոսյան

Քաղաքագետ Հայկ Մարտիրոսյանը Ֆեյսբուքի իր էջում գրել է.

Լիդիանի Ամուլսարի հանքավայրի հետ կապված կառավարության հնարավոր երկրանպաստ որոշման իրավական հետևանքներից չպետք է վախենալ: Առավել ևս՝ ներդրումների հնարավոր ռիսկային դառնալու օտարերկրյա հնարավոր ընկալումից:

Անհրաժեշտ է երկու բան հասկանալ.

Ա. Եթե կառավարությունը ցույց տա, որ դա բնապահպանական աղետ հարուցող նախագիծ է և անազնիվ ու կոռուպցիոն սխեմաներով են ստացվել այդ ընկերության և հանքավայրի թույլտվությունները՝ յուրաքանչյուր միջազգային դատարան կամ արբիտրաժ կսատարի կառավարության որոշումը:

Բ. Աշխարհում ամենուր, ներառյալ նոր սերնդի ներդնողները մեղմ ասած՝ մեծ հակակրանք ունեն հանքարդյունաբերության ոլորտի նկատմամբ ընդհանրապես: Ու թեև առանց հանքարդյունաբերության՝ անհնար է համաշխարհային տնտեսություն զարգացնել, դրա պատասխանատու և մինիմալ վնասներով կազմակերպելն է ամենակարևոր խնդիրը: Հայաստանում հանքարդյունաբերության ողջ ոլորտը հիմնված է եղել երկրի գանձարանը և նրա ռեսուրսները թալանելու վրա, իսկ հանքարդյունաբերությունը կազմակերպվել է տեխնիկապես ամենաէժան և ամենահանցավոր մեթոդներով: Եվ եթե կառավարությունը կասեցնի շահագործման լիցենզիան՝ դա միայն լավ ազդակ կլինի դրսի հնարավոր ներդնողներին, որ Հայաստանում պատասխանտու միջավայր է ստեղծված, որտեղ ազնիվ բիզնեսը պաշտպանվելու է, իսկ հանցավոր թալանը՝ ոչ: Լիդիանի խնդրից իրականում Հայաստանի նոր իշխանությունը կարող է դուրս գալ կրկնակի շահած: