Նովոսիբիրսկում հետաքննվում է 11 և 14 տարեկան գնչու երեխաների ամուսնությունը

Նովոսիբիրսկում ոստիկանությունը հետաքննություն է սկսել ԶԼՄ-ներում տարածված տեղեկության հիման վրա: Նշենք, որ ավելի վաղ ռուսական կայքերը գրել էին, որ «Աուրա» առևտրի կենտրոնի հաճախորդներն ականատես են եղել արտառոց հարսանեկան արարողության: Մի խումբ գնչուներ ամուսնացրել են 11-ամյա տղային 14-ամյա աղջկա հետ: Այնինչ ՌԴ-ում ամուսնութան համար թույլատրելի տարիք է համարվում 18 տարեկանը, որոշ բացառությունների դեպքում՝ 16 տարեկանը: Միայն Չեչնիայի Հանրապետությունում թույատրված է ամուսնությունը նաև 14 տարեկանների միջև: