Երևան`   +8 °C
Այսօր`   Կիրակի, 22 նոյեմբերի, 2026 թ.

Դատախազությունը Շաքրո Մոլոդոյի համար 10 տարվա ազատազրկում է պահանջել

1190
Ուրբաթ, 16 փետրվարի, 2018 թ., 22:16
Դատախազությունը Շաքրո Մոլոդոյի համար 10 տարվա ազատազրկում է պահանջել

Դատախազությունը պահանջել է շորթման գործով 10 տարվա ազատազրկման խիստ ռեժիմի դատապարտել հայտնի «օրենքով գող» Շաքրո Մոլոդոյին (Զախարի Քալաշով), հաղորդում է BBC-ն:

Մոսկվայի Նիկուլինսկի շրջանային դատարանում նիստի ընթացքում դատախազությունը պահանջել է Քալաշովին որպես հավելյալ պատիժ տուգանել 700 հազար ռուբլու չափով:

Շորթման գործով, ընդհանուր առմամբ, դատավարություն է անցնում 14 մարդ:

Մեղադրական եզրակացության համաձայն՝ գործում շորթման 2 դրվագ կա՝ 8 միլիոն ռուբլի Elements ռեստորանի սեփականատեր Ժաննա Քիմից և 10 միլիոն ռուբլի՝ գործարար Լև Գարամովից: Մեղադրյալներից ոչ ոք մեղքը չի ընդունում: