Սկսվել է կործանված ինքնաթիռի զոհերի մարմինների մնացորդների որոնման փուլը

Ան-148 ուղևորատար օդանավի կործանման վայրում փրկարարական աշխատանքներն ավարտվել են: Մասնագետներն այժմ զբաղված են զոհերի մարմինների մնացորդների որոնումներով, հայտնում է РИА «Новости»-ն: ՌԴ ԱԻ նախարար Վլադիմիր Պուչկովը տեղեկացրել է, որ դրանք իրականացվելու են շուրջօրյա ռեժիմում ու կտևեն մոտ մեկ շաբաթ: Պատճառն, ըստ նրա, առատ ձյունն է, բարդ տեղանքը և բեկորների տարածվածության մեծ մակերեսը: «Իրականացվում են մարմինների մասերի հայտնաբերման ու նույնականացման աշխատանքներ»,- ասել է պաշտոնյան:

Նշենք, որ նախնական վարկածով ինքնաթիռի կործանման պատճառ է դարձել շարժիչի աշխատանքի խափանումն ու դրան հաջորդած բռնկումը: