Երևան`   +5 °C
Այսօր`   Չորեքշաբթի, 18 նոյեմբերի, 2026 թ.

«Ձեր շնորհիվ է, որ Հայաստանը կարողանում է հավասարի պես ոտք գցել աշխարհի խոշորագույն երկրների հետ». Ռոստոմյան

287
Կիրակի, 31 դեկտեմբերի, 2017 թ., 19:35
«Ձեր շնորհիվ է, որ Հայաստանը կարողանում է հավասարի պես ոտք գցել աշխարհի խոշորագույն երկրների հետ». Ռոստոմյան

ՀՀ սպորտի և երիտասարդության հարցերի
նախարար Հրաչյա Ռոստոմյանը շնորհավորական ուղերձ է հղել:

«Հարգելի մարզիկներ, մարզիչներ, մարզաշխարհի ներկայացուցիչներ, ի սրտե շնորհավորում եմ ձեզ Ամանորի և Սուրբ Ծննդյան կապակցությամբ: Թող 2018 թվականը սպորտաշխարհի, ողջ հայ ժողովրդի և մեր պետության համար լինի խաղաղության, կայունության և բարօրության տարի: Այսօր նաև դուք՝ սպորտաշխարհի ներկայացուցիչներդ եք ներկայացնում Հայաստանի Հանրապետությունը ողջ աշխարհում, այսօր ձեր շնորհիվ է, որ աշխարհի բոլոր հատվածներում հնչում է մեր երկրի պետական օրհներգը, բարձրացվում մեր հայրենիքի եռագույնը: Այդ ձեր մասնագիտական հմտության, կամքի և նվիրումի շնորհիվ է, որ Հայաստանը կարողանում է հավասարի պես ոտք գցել աշխարհի խոշորագույն երկրների հետ: Հենց ձեր կամքի և եռանդի շնորհիվ է, որ հնարավոր է լինում արժանապատվորեն դիմակայել մարզաշխարհի առջև ծառացած բազմաթիվ մարտահրավերների և դժվարությունների: Սիրելի գործընկերներ, կրկին անգամ շնորհավորում եմ ձեզ, մաղթում նորանոր հաջողություններ աշխատանքում, երջանկություն անձնական կյանքում և իհարկե բազմաթիվ մարզական ձեռքբերումներ»: