Երևան`   +8 °C
Այսօր`   Կիրակի, 22 նոյեմբերի, 2026 թ.

Քալիֆորնիայում բնակվող հայուհին մոտ 1 տրիլիոն դոլարի հայց է ներկայացրել ընդդեմ Apple-ի

1131
Չորեքշաբթի, 27 դեկտեմբերի, 2017 թ., 14:30
Քալիֆորնիայում բնակվող հայուհին մոտ 1 տրիլիոն դոլարի հայց է ներկայացրել ընդդեմ Apple-ի

ԱՄՆ Քալիֆորնիա նահանգի բնակչուհի Վիոլետա Մայիլյանը հայց է ներկայացրել ընդդեմ Apple-ի՝ պահանջելով 999 999 999 000 դոլար: Այս մասին հայտնում է Patently Apple ընկերությունը:
Վիոլետան iPhone-ների ստեղծողներին մեղադրել է անբարեխիղճ մրցակցության և խարդախության, մասնավորապես՝ գնորդներից տեղեկատվության թաքցման համար: Աղջիկը նշել է, որ սմարթֆոնների օգտատերերն ստիպված են եղել ձեռք բերել Apple-ի նոր արտադրանքը, քանի որ ընկերությունը միտումնավոր կերպով դանադաղեցրել է նախորդ մոդելների աշխատանքը:
Հիշեցնենք, որ ավելի վաղ Reddit-ի օգտատերերը բողոքել են Apple հին սմարթֆոնների աշխատանքից, իսկ ավելի ուշ ամերիկյան տեխնոլոգիական ընկերությունը խոստովանել էր, որ միտումնավոր նվազեցրել է սարքերի պրոցեսորների տակտային հաճախականությունը, սակայն դա արվել է հեռախոսների մարտկոցների աշխատանքը բարելավելու և գաջեթների՝ ինքնաբերաբար անջատումը կանխելու համար: