Երևան`   +8 °C
Այսօր`   Կիրակի, 22 նոյեմբերի, 2026 թ.

Սանկտ Պետերբուրգում ձերբակալվել է երեխաների աչքի առջև վարորդին դանակահարած ադրբեջանցին

645
Չորեքշաբթի, 27 դեկտեմբերի, 2017 թ., 13:05
Սանկտ Պետերբուրգում ձերբակալվել է երեխաների աչքի առջև վարորդին դանակահարած ադրբեջանցին

Սանկտ Պետերբուրգում ձերբակալել են դպրոցականներ տեղափոխող ավտոբուսի վարորդի վրա դանակով հարձակում գործած ադրբեջանցուն: Այս մասին հայտնում է Ռուսաստանի ՆԳՆ-ն:

«Ձերբակալվածը Ալիզադե Մուստաֆաևն է, այժմ որոշվում է նրա կալանքի և նրա նկատմամբ մեղադրանքի առաջադրման հարցը»,- ասվում է ՆԳՆ-ի հաղորդագրության մեջ:

Քննության տվյալների համաձայն՝ դեկտեմբերի 25-ին Սանկտ Պետերբուրգում Մուստաֆաևը տուժածին դանակի բազմաթիվ հարվածներ էր հասցրել, իսկ նրան ուղեկցող կինը՝ մի քանի հարված անհայտ առարկայով: Դրանից հետո նրանք Range Rover մեքենայով թաքնվել էին դեպքի վայրից: