Երևան`   +7 °C
Այսօր`   Կիրակի, 22 նոյեմբերի, 2026 թ.

Վրացի հանցագործները գլխացավանք են դարձել Եվրոհանձնաժողովի համար

998
Ուրբաթ, 22 դեկտեմբերի, 2017 թ., 16:05
Վրացի հանցագործները գլխացավանք են դարձել Եվրոհանձնաժողովի համար

ԵՄ տարածքում վրացական հանցավոր խմբավորումների գործունեությունը լուրջ գլխացավանք է դարձել Եվրոհանձնաժողովի համար: Այս մասին ասվում է Եվրոհանձնաժողովի՝ Արևմտյան Բալկանների, Վրաստանի, Մոլդովայի և Ուկրաինայի հետ վիզային ռեժիմի ազատականացման վերաբերյալ հաշվետվության մեջ:
Հաշվետվության մեջ նշվում է, որ ԵՄ անդամ չհանդիսացող երկրների շարքում Վրաստանն առաջատարն է այն քաղաքացիների թվով, որոնք հանցագործություններ են կատարում Եվրոպայում: Նրանք հատկապես ակտիվ են Ֆրանսիայում, Հունաստանում, Գերմանիայում, Իսպանիայում և Իտալիայում:
Վրացական կազմակերպված հանցավոր խմբերն սպառնում են Եվրոմիությանը, քանի որ հանցավոր շուկայի վրա նրանց վերահսկողությունն աճում է և նրանք համագործակցում են ԵՄ-ին անհայտ այլ հանցավոր կազմավորուների հետ: Նշվում է նաև, որ Վրաստանը ԵՄ-ում ստացված ապօրինի եկամուտների լվացման համար տարանցիկ գոտի է դարձել: