ԱՄՆ-ն ընդլայնել է Վենեսուելայի դեմ պատժամիջոցները

ԱՄՆ նախագահ Դոնալդ Թրամփը խստացրել է Վենեսուելայի դեմ պատժամիջոցներն այնտեղ անցկացված ընտրություններից հետո, որոնք Վաշինգթոնը «ձևական» է անվանել, հաղորդում է Reuters-ը:

Ամերիկացիներին այժմ արգելված է գնել Վենեսուելայի պարտքային պարտավորությունները:

«Այդ հրամանով Վենեսուելայի իշխանությունները կդժվարանան վաճառել իրենց ակտիվները»,- գործակալությունը մեջբերում է ԱՄՆ վարչակազմի ներկայացուցչի խոսքը:

Երեկ Նիկոլաս Մադուրոն վերընտրվել էր Վենեսուելայի նախագահի պաշտոնում, նա հավաքել էր ձայների 67,7%-ը: Մադուրոն կկառավարի երկիրը մինչև 2025թ.-ը: