«Իսկ եթե հանգստյան օրեր են, ի՞նչ անեմ. ոչ դեղ կարող եմ գնել, ոչ էլ հիվանդանոց գնալու հնարավորություն ունեմ». ահազանգ քաղաքացիներից
Այս օրերին MAMUL.am-ը բազմաթիվ ահազանգեր է ստանում տարբեր քաղաքացիներից, ովքեր բողոքում են, որ դեղատոմսով բաց թողնվող դեղերի կարգը խնդիրներ է ստեղծում իրենց համար: Եթե երեկոյան ժամերին է հանկարծ անհրաժեշտություն առաջանում, օրինակ, հակաբիոտիկի, նա, բնականաբար, չի կարող գնալ պոլիկլինիկա և ստիպված պետք է սպասի լույսը բացվելուն: Իսկ եթե առջևում շաբաթ է կամ կիրակի, ապա ամեն ինչ ավելի է բարդանում. ուզած թե չուզած տվյալ հիվանդը պետք է օգտվի մասնավոր հիվանդանոցների բուժծառայություններից, ինչը վճարովի է. «Եթե ես գիտեմ իմ դեպքում ինձ որ դեղն է օգնում և տարիներով, ենթադրենք, այդ հակաբիոտիկն եմ խմել ու բուժվել, ինչի՞ պիտի այն գնելու համար ինձ էդքան տանջեմ»,- գանգատվում էր մեզ դիմած քաղաքացին: Կան կարծիքներ, որ այս որոշումն աշխատելու է հօգուտ մասնավոր հիվանդանոցների: Մեկ այլ խնդիր են ներկայացնում դեղատան աշխատակիցները: Դեղատոմսով բաց թողնվող դեղերի մասին օրենքի փոփոխությունը խիստ բացասաբար է անդրադարձել նաև դեղատների վրա: Մի շարք դեղատներում անցկացված հարցումներից պարզ է դարձել, որ գործը «կանգնել է»: Տիգրան Մեծ հասցեում գտնվող դեղատներից մեկի աշխատակիցը նշեց, որ առևտուր չկա: «Մարդիկ նախորոք մեծ քանակի դեղորայք գնեցին, որ հետո ստիպված չլինեն հերթական անգամ այցելել բժշկի՝ դեղատոմս վերցնելու համար: Ավելին, առանց տեղյակ լինելու, գնում էին նաև այնպիսի դեղամիջոցներ, որոնք առանց դեղատոմսի են: Իսկ այսօր արդեն մարդ չի մտնում դեղատուն, ինչն ազդել է առևտրի վրա»,- ասում էր դեղատան աշխատակիցը: Ի դեպ, ըստ մեզ հասած լուրերի, որոշ բուժհաստատություններ նույնիսկ այդ դեղատոմսի ձևաթուղթը չունեն: Հիշեցնենք՝ 2018 թվականի մարտի 1-ից Հայաստանի Հանրապետությունում գրանցված հակավարակային (այդ թվում հակաբիոտիկներ), հսկվող և հորմոն պարունակող դեղերը ձեռք բերելու համար անհրաժեշտ է բժշկական կազմակերպության կողմից տրված դեղատոմսի առկայություն՝ ըստ սահմանված կարգի: |
Հիվանդանոցներում պետպատվերով բուժումները կասեցվել են. «Ժողովուրդ»
13219.04.2024, 08:30«Հնարավոր չէ պարզել՝ այդ մարդու կիստա՞ն է, թե՞ քսերոքս արած «տիպային» կիստա»․ Փաշինյան (տեսանյութ)
31718.04.2024, 12:24Հերթն Անահիտ Ավանեսյանինն է. «Ժողովուրդ»
35418.04.2024, 09:06Մանրամասներ՝ երրորդ հարկից ընկած երեխայի առողջական վիճակից
53917.04.2024, 21:48Առողջապահության նախարարության շուրջ սկսված գործողությունների ֆոնին՝ Թորոսյանը նախարարի պաշտոնի համար ընկերոջ PR-ով է սկսել զբաղվել. «Ժողովուրդ»
62317.04.2024, 09:06«Լրատվականներից եմ տեղեկացել խուզարկության մասին»․ Անահիտ Ավանեսյան (տեսանյութ)
86516.04.2024, 16:06