Ծեծի հետևանքով մահացած երեխայի կենսաբանական մորը մեղադրանք չի առաջադրվել

Երևանում 1 տարեկան 2 ամսական Ալեքսի մահվանից ավելի քան մեկ ամիս անց կալանքի տակ է միայն կինը, որը մեղադրվում է փոքրիկի նկատմամբ պարբերաբար բռնություն կիրառելու և սպանության համար։ Դեպքի առթիվ նախաձեռնված երկու քրեական վարույթները՝ նախաձեռնված սպանության և երեխայի դաստիարակության կամ խնամքի պարտականությունները չկատարելու կամ ոչ պատշաճ կատարելու դեպքով, միավորվել են մեկ ընդհանուր վարույթում։ Քննչական կոմիտեից «Նյուզ»-ին հայտնել են, որ այս պահին կալանավորված է միայն կինը, որը մեղադրվում է 1-ամյա երեխայի սպանության համար։

Քրեական վարույթով չեն անցնում ո՛չ երեխայի կենսաբանական մայրը, որն անհասկանալի պատճառով փոքրիկին թողել էր նախկին ամուսնու և նրա կողակցի խնամքին, ո՛չ էլ նրա նախկին ամուսինը, որը, ամենայն հավանականությամբ, ներկա է եղել կողակցի՝ երեխայի նկատմամբ պարբերաբար կիրառվող բռնությանը։

Հիշեցնենք, որ ծեծված երեխան մահացել է մարտի 21-ին։

Երեխայի կենսաբանական մայրը 26–ամյա Մարիամը, ունի 4 երեխա, հղի է:
Առավել մանրամասն՝ սկզբնաղբյուրում: