«ՔՊ-ն ստացավ իր երազած ընդդիմությունը»․ Հայկ Մարտիրոսյան

Քաղաքագետ Հայկ Մարտիրոսյանի ֆեյսբուքյան իր էջում գրում է․ «Մի կողմ թողնենք այն հանգամանքը, որ ըստ ներկա, այսպես կոչված՝ Սահմանադրության Սամվել Կարապետյանը չի կարող Հայաստանի վարչապետ լինել: Նա երկքաղաքացի է և Հայաստանում չի բնակվել:
Այստեղ կարևորն այն է, որ այսօր նրա ընտանիքը, վստահ եմ, ոչ գիտակցաբար, բայց այնուամենայնիվ, Նիկոլ Փաշինյանին և ՔՊ-ին մի նոր հաղթաթուղ տվեց՝ ընտրություններում իր զանգվածին առավել մոբիլիզացնելու համար: Եվ ավելի ուժեղացրեց Արևմուտքի աջակցությունը՝ Փաշինյանին, միաժամանակ չունենալով Ռուսաստանի աջակցությունը՝ Ռուսաստանին նվեր մատուցեց նրա թեկնածու Փաշինյանին իշխանություն պահելու համար:
ՔՊ-ն ստացավ իր երազած ընդդիմությունը՝ ռուսաստանյան արմատներով, ռուսական կապիտալով բոքսի հարվածային մի թիրախ, որին կարելի է բարեհաջող դեմոնիզացնել և դրան հակառակ սոլիդիֆացնել սեփական բազան՝ ձեռք բերելով նոր քվեարկիչների նոր ձայներ»: