Փարիզում վանդալը կոտրել և գողացել է Ժաննա դ'Արկի արձանի սուրը

«Մի տղամարդ բարձրացել է Ժաննա դ'Արկի ձիարձանի վրա տեղական ժամանակով ժամը 10:00-ի սահմաններում (Երևանի ժամանակով ժամը 13:00-ին), ապա կոտրել է սրի շեղբը և հեռացել դեպքի վայրից։ Հետագայում նա ձերբակալվել է ոստիկանության կողմից՝ քրեական չարագործության և հանրային սեփականության գողության համար»,- նշվում է հաղորդագրության մեջ։

Ֆրանսիայի իրավապահ մարմինները չեն հրապարակել վանդալի անունը։ Գողը ձերբակալվել է Փարիզի հյուսիս-արևմուտքում գտնվող Սեն-Լազար երկաթուղային կայարանի մոտ։ Նա կալանավորվել է։ Ոստիկանությունն արդեն հետաքննում է դրդապատճառը։ Օռլեանի կույսի հուշարձանը ստեղծվել է քանդակագործ Պոլ Դյուբուայի կողմից 19-րդ դարի վերջին։

Անցյալ աշնանն անհայտ անձինք հանդուգն կողոպուտ էին իրականացրել Փարիզի Լուվրում, իսկ հաջորդ օրը Ֆրանսիայի մայրաքաղաքը ցնցվել էր Լանգր քաղաքում գտնվող գրող և փիլիսոփա Դենի Դիդրոյի թանգարանից 18-րդ և 19-րդ դարերի ոսկե և արծաթե մետաղադրամների գողության լուրից։