«Արցախցիները չեն կարող ունենալ այնպիսի հոգևոր առաջնորդ, ով կիսում է Արցախը լուծարված լինելու գաղափարները». Ռոման Երիցյան

Մի խումբ արցախցիներ հավաքվել էին Արցախի թեմի առաջնորդ Վրթանես Սրբազանի բնակության վայրում, որպեսզի հանդիպեին նրան և բացատրություններ ստանային, թե ինչու է հանդիպել Նիկոլ Փաշինյանին:

«Արցախի թեմի հոգևոր առաջնորդը ո՛չ բարոյական իրավունք ունի և ոչ էլ դա տրամաբանության շրջանակներում է տեղավորվում, որ, անտեսելով արցախցիների ձայնն ու վրդովվմունքը, գա, հանդիպի մի մարդու ու նրա ձեռքը սեղմի, ով պատասխանատու է Արցախի հանձնման գործում:

Արցախցիները չեն արող ունենալ այնպիսի հոգևոր առաջնորդ, ով կիսում է Արցախը լուծարված լինելու գաղափարները»,- լրագրողների հետ զրույցում նշել է փաստաբան Ռոման Երիցյանը

Ռոման Երիցյանը զանգեց Վրթանես Սրբազանին, բայց վերջինս չպատասխանեց հեռախոսազանգին: