«Հայոց եկեղեցու դեմ հայտարարված պատերազմի ընթացքում ջնջվում են բարոյական բոլոր գծերը». Տաթևիկ Հայրապետյան

Ադրբեջանագետ Տաթևիկ Հայրապետյանի ֆեյսբուքյան գրառումը. «Պատերազմ է հայտարարված Հայ Առաքելական Եկեղեցու դեմ: Պատվիրատուն բացահայտված է, նպատակն էլ հստակ է:
Այդ պատերազմի ընթացքում ոտնահարվում է մեր երկրի սահմանադրությունը: Ջնջվում են բարոյական բոլոր գծերը, խրախուսվում է ուրացումն ու դավաճանությունը: Այստեղ չկան «բայց»-եր ու «եթե»-ներ: Կամ դու կանգնում ես Հայ Առաքելական Եկեղեցու, քո ինքության ու պետության սահմանադրության պաշտպանության կողքին կամ էլ ուղղակի հաշտ ես դավաճանության ու բարոյազրկության հետ:
Ընտրությունը շատ պարզ է:
Ու թո՜ղ իմաստուն ու կամային լինենք այս բարդ ժամանակներում…»: