«Ուրացումը պոզով-պոչով է լինո՞ւմ»․ Էդուարդ Շարմազանով

24TV-ի եթերում խոսելով եկեղեցու շուրջ տեղի ունեցող զարգացումների մասին՝ ՀՀԿ ԳՄ անդամ Էդուարդ Շարմազանովը ցավով նշեց, որ «փաստորեն, Փաշինյանը հասավ իր նպատակին»։ «Նա կարողացավ ու դժբախտություն է, որ դրանում նրան օգնեցին, այսպես կոչված, սրբազանները, հեղինակազրկել, պառակտել հայ եկեղեցին»,- նշեց նա՝ անդրադառնալով օրեր առաջ մի խումբ հոգևորականների՝ Փաշինյանի հետ հանդիպմանը։ «Զզվելի է տեսնել մի տեսարան, երբ մի ամիս առաջ եպիսկոպոսները հավատարմության երդում էին տալիս Վեհափառին, մեզ հետ զրույցներում մեզ էին հորդորում՝ պինդ կանգնել Վեհափառի կողքին, և մեկ էլ երեկոյան տեսնում ես՝ հանդիպում են Փաշինյանի հետ։ Սա էն դեպքում, երբ Փաշինյանի ռեժիմն իրենց եղբայրներին կալանավորել է»,- հավելեց քաղաքական գործիչը՝ ընդգծելով՝ «ուրացումը պոզով-պոչով է լինո՞ւմ»։