Դատախազությունը կբողոքարկի անչափահասի նկատմամբ բռնություն կիրառած անձանց խափանման միջոցը փոխելու որոշման դեմ

Գլխավոր դատախազությունը վերաքննիչ բողոք կներկայացնի Տավուշի մարզում բարձր դասարանի աշակերտների կողմից անչափահասին ծեծի ենթարկած անձանց նկատմամբ կիրառված կալանքը փոխելու որոշման դեմ: Այս մասին լրագրողներին տեղեկացրել են ՀՀ գլխավոր դատախազությունից։

«Խափանման միջոցների փոփոխությունների վերաբերյալ դատական ակտերն այսօր են ստացվել Դատախազությունում, վերաքննիչ բողոք կներկայացնենք»,- հայտնել են դատախազությունից:

Նշենք, որ անչափահասի նկատմամբ բռնություն կիրառած անձանց դատարանը սկզբում կալանավորելու որոշում էր կայացրել, սակայն հետո նրանց նկատմամբ կիրառված կալանքը փոխելու որոշում էր ընդունել։