«Միջազգային կառույցներին տեղեկացնում ենք խնդրի մասին, որ հետագայում չասեն՝ տեղյակ չէինք»․ Լուսինե Առաքելյան

«Մեր խնդիրն է ԱՄՆ դեսպանատանը և միջազգային բոլոր կառույցներին, որոնք կարող են շահագրգռված լինել Հայաստանում խոսքի ազատությամբ, մարդու իրավունքների պաշտպանությամբ, ազատ մեդիայի գործունեությամբ, տեղեկացնել խնդրի մասին, որպեսզի հետագայում չասեն՝ մենք տեղյակ չէինք»,- այսօր ԱՄՆ դեսպանատան առաջ, հաջակցություն կալանավորված Նարեկ Սամսոնյանի ու Վազգեն Սաղաթելյանի ակցիայի ժամանակ, ասաց Նարեկ Սամսոնյանի կինը՝ Լուսինե Առաքելյանը։ «Հանրային ճնշումը գործում է, որը տեսանք Լիդյա Մանթաշյանի օրինակով, և մենք մեր թիմով անելու ենք ամեն բան, որպեսզի այդ ճնշումը նաև այս դեպքում աշխատի»,- հավելեց նա։

Ակցիայի մասնակիցները 2 նամակ էին պատրաստել ԱՄՆ դեսպանատանը փոխանցելու համար, բայց, ինչպես հետո պարզ դարձավ, դեսպանատունն առձեռն նամակներ չի ընդունում, ուստի նամակները կուղարկվեն էլեկտոնային փոստի միջոցով։