«Սա մեր կռիվն է, պատվարժան դատարան, դուք եք հանձն առել կռվի մյուս կողմում լինել». Բագրատ Սրբազան

«Ես ակնկալիք ունեի, որ Լիդյայի կալանքի վերացման որոշումը անցյալ շաբաթ կլինի գոնե, բայց չեղավ, որին որևէ արդարացում չկար: Դուք այսօր փաստացի փաստեցիք, որ ոչ թե արդարադատություն և ադարություն է գործում, այլ գործում է նպատակահարմարությոնը»,- դատական նիստի ժամանակ ասաց «Սրբազան շարժման» առաջնորդ Բագրատ Սրբազանը:

Սրբազանը նշեց, որ որքան էլ փորձեն այս դատական գործընթացը ներկայացնել որպես արդարադատություն, այն այլ բանի մասին է: «Կգա ապացույցների ժամանակը և ես ավելի խորությամբ կասեմ դրանց մասին՝ այն բոլոր փաստացի գրանցումներով, որոնք պատճառ են դարձել այսքան մարդու կյանքի տառապանքին: Մենք այստեղ, այս հանրապետության մեջ ոչ թե քաղկալանավորներ կամ կալանավորներ ենք, այլ գերիներ ենք և պատանդներ: Լիդյան շղթայված Հայաստանի, բայց հաղթանակող Հայաստանի խորհրդանիշն է: Դուք այսօր այդ շղթայից փորձեցիք մի փոքր օղակ հանել: Բայց մեր մեծ խնդիրը մնում է չլուծված»,- ընդգծես Սրբազանը՝ հավելելով. «Սա մեր կռիվն է, պատվարժան դատարան, դուք եք հանձն առել կռվի մյուս կողմում լինելու: Հուսով եմ, որ դուք՝ նաև մեղադրող կողմը, այս որոշումը երբ կայացրեցիք, այս մեկ շաբաթվա ընթացքում նաև զղջում եք ունեցել, որ կայացրել եք»: