«Ֆինանսների նախարարը ծաղրել է Հայաստանի հպարտ քաղաքացիներին»․ Ոսկան Սարգսյան

Լրագրող Ոսկան Սարգսյանը գրում է. «Ֆինանսների նախարար Վահե Հովհաննիսյանը ԱԺ-ում 2026 թվականի բյուջեի նախագծի քննարկման ժամանակ հայտարարել է՝ մեր երեխաների ապագան նման չի լինելու մեր և մեր ծնողների անցյալին ու հավելել․ «Մեր որոշումների առանցքում ՀՀ-ն է ու այստեղ ապրող մարդը»։ Նախարարն այս խոսքերով ծաղրել է Հայաստանի հպարտ քաղաքացներին՝ 3 միլիոն վարչապետերին, քանզի կառավարությունը ամեն տարի ծանրացնում է Հայաստանի վարկային բեռը․ մեծ վարկեր է վերցնում, այդ վարկերն ու դրանց տոկոսները մարում են քաղաքացիներից գանձվող, բարձրացած հարկերով ու տուրքերով։ Գնաճ է, սակայն կենսաթոշակառուների խղճուկ թոշակները գոնե 1000 դրամով չեն ավելացել ու 2026-ին չեն ավելացնելու։ Իսկ բարձր պաշտոնյաները, բարձր ռոճիկից զատ, հաճախ պարգևատրվում են, պետբյուջեի հաշվին ճոխ ապրում»։