«Նիկոլ Փաշինյանի քավոր մարզպետը ՀՀ ընտրողների ռեգիստրում չկա»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանի դասընկեր, նրա ամուսնության քավոր, Ն․ Փաշինյանի որոշմամբ 2021թ․ ապրիլի 8-ին Տավուշի մարզպետ նշանակված Հայկ Ղալումյանին տեղեկատվական հարցում եմ արել, թե ինչու իր անուն-ազգանունը չկա ԿԸՀ կայքի ՀՀ ընտրողների ռեգիստրում։ Երբ այդ ռեգիստրում որոնում ես, Հայկ Ղալումյան անուն-ազգանունով 6 անձի տվյալներ է ներկայացնում, որոնցից ոչ մեկը Տավուշի մարզպետ, 1974թ․ ծնված Հայկ Վոլոդյայի Ղալումյանը չէ։ Տավուշի մարզպետարանից հարցմանս պատասխանել են․ «Տավուշի մարզպետը հանդիսանում է ՀՀ քաղաքացի, հաշվառված է Տավուշի մարզի Իջևան քաղաքի Այգեստան փողոցի թիվ 1 հասցեում: Մարզպետի անուն ազգանունը ԿՀԸ ինտերնետային կայքի ընտրողների ցանկում չլինելու վերաբերյալ առաջարկում ենք դիմել համապատասխան լիազոր մարմնին»»։