Վերջին 10 տարում առաջին անգամ Google-ը թարմացրել է իր ապրանքանշանը

Google-ը թարմացրել է իր ապրանքանշանը, գրում է 9to5Google-ը։

Թարմացման արդյունքում ապրանքանշանի գույների հստակ եզրագծերը փոխարինվել են աղոտ եզրերով։ Այն այժմ ավելի շատ նման է Gemini-ի՝ Google-ի կողմից մշակվող արհեստական ​​բանականության չաթբոտի ապրանքանշանին։ Ընկերությունը պաշտոնապես չի հայտարարել փոփոխության մասին։

Վերջին անգամ Google-ն իր լոգոն փոխել է 2015 թվականին։ Այդ ժամանակ ընկերությունը փոքրատառ g-ն փոխարինել է մեծատառ G-ով։