Հռոմի պապը արհեստական բանականությունը համարել է մարդկության ամենակարևոր խնդիրներից մեկը

Հռոմի նոր պապ Լևոն XIV-ն ուրվագծել է պապականության իր տեսլականը և արհեստական ​​բանականությունը համարել է մարդկության ամենակարևոր խնդիրներից մեկը։ Այս մասին հայտնել է Associated Press-ը։

Իր ելույթում նա խոստացել է շարունակել հետևել իր նախորդի՝ Հռոմի պապ Ֆրանցիսկոսի հիմնական առաջնահերթություններին։ Նա կոչ է արել պահպանել Ֆրանցիսկ I-ի «արժեքավոր ժառանգությունը»։

Լևոն XIV-ի խոսքով, այն իրենից ներկայացնում էր «համարձակ և վստահելի երկխոսություն ժամանակակից աշխարհի հետ՝ իր տարբեր բաղադրիչներով և իրողություններով»։