Պապի ընտրությանը մասնակցող բոլոր 133 կարդինալները Հռոմում են

Հռոմի պապ ընտրելու իրավասություն ունեցող բոլոր կարդինալները ժամանել են Հռոմ, երկուշաբթի օրը հաղորդել է Vatican News պորտալը։ «Բոլոր 133 կարդինալները, որոնք եկել են աշխարհի տարբեր ծայրերից, գտնվում են Հռոմում»,- ասվում է հայտարարության մեջ։

Նրանք կհավաքվեն չորեքշաբթի՝ մայիսի 7-ին, Վատիկանում՝ Սիքստինյան կապելլայում, կոնկլավի համար։ Միջոցառումը կսկսվի տեղական ժամանակով 16:30-ին (Երևանի ժամանակով 18:30-ին): Կոնկլավի մասնակիցները պետք է օրը մի քանի անգամ քվեարկեն, մինչև թեկնածուներից մեկը ստանա ձայների երկու երրորդը գումարած առնվազն մեկ լրացուցիչ ձայն։

Հռոմի պապ Ֆրանցիսկոսը մահացել է ապրիլի 21-ի առավոտյան՝ 89 տարեկան հասակում՝ ծանր հիվանդությունից հետո։