«Մեր աղոթքն է, որ մեր երկիրը դեպի ԵՄ իր քայլերն անի»․ Վազգեն արքեպիսկոպոս Միրզախանյան

«Մեր աղոթքն է, որ ձեր այն ծրագրերը, որ ունեք խաղաղության և մեր Հայաստանի հարևանների հետ հաշտության, լինի հաջողությամբ»,- Տալլինի Սուրբ Գրիգոր Լուսավորիչ եկեղեցում, դիմելով ՀՀ վարչապետ Նիկոլ Փաշինյանին, ասել է Բալթյան երկրների Հայոց թեմի առաջնորդ Գերաշնորհ Տ. Վազգեն արքեպիսկոպոս Միրզախանյանը։
«Մեր աղոթքն է, որ որպես եվրոպական երկրների հավատացյալներ, քաղաքացիներ և առաջնորդ, մեր երկիրը դեպի Եվրոմիություն իր քայլերն անի, որովհետև մեր քրիստոնեությունը, իրականության մեջ, եկել է արևմուտքից: Համոզված եմ, որ այն քաղաքակրթությունը, որ տեսնում ենք այստեղ, մեր երկրի ապագան այս քրիստոնեական գեղեցիկ միջավայրում է: Մեր աղոթքն է, որ այդ հաջողությունները լինեն, որ Հայաստանը նույնպես Մերձբալթյան երկրների պես, դիցուք Էստոնիայի, կարողանա խաղաղ համագործակցությամբ մեր ժողովրդին լավ, գեղեցիկ ապագա ապահովել»,- ասել է Վազգեն արքեպիսկոպոս Միրզախանյանը:
Հիշեցնենք՝ Նիկոլ Փաշինյանն Էստոնիայի Հանրապետություն է մեկնել պաշտոնական այցի շրջանակում։