Դուբայի Բուրջ Խալիֆայի շոու ծրագիրն այսօրվանից փակվում է 5 ամսով

Այսօրվանից 5 ամսով փակվում է Դուբայի Բուրջ Խալիֆայի շոու ծրագիրը, երգող շատրվանները և ողջ լուսային շոուն: Այս մասին տեղեկացնում է Դուբայի գլխավոր շեյխին պատկանող «Emaar» շինարարական ընկերությունը, որի կողմից կառուցել է Բուրջ Խալիֆան։

Ըստ աղբյուրի՝ շոու ծրագիրն ամբողջովին փակվում է վերանորոգման համար։ Ապրիլի 18-ին, ժամը՝ 18:00-ից մինչև 23:00-ն աշխարհի ամենամեծ շատրվանների լուսային և ջրային շոու ծրագիրը դիտելու վերջին հնարավորությունն է:

Աշխատանքների ավարտը նախատեսվում է մինչև հոկտեմբեր, հայտնել է Emaar-ը։

Վերանորոգումը կներառի տեխնիկական սարքավորումների արդիականացում, ջրային շիթերի խորեոգրաֆիայի բարելավում, լուսավորության և ձայնային համակարգերի արդիականացում: