«Այս փուլում առաջարկում ենք բացել Հորադիզ-Երասխ երկաթուղին». Նիկոլ Փաշինյան

ՀՀ վարչապետ Նիկոլ Փաշինյանը լրագրողների հետ զրույցում ասաց, որ «Խաղաղության խաչմերուկ» նախագծի շրջանակներում պատրաստ են ընթացակարգերի պարզեցումների՝ 4 հիմնական սկզբունքների պահպանմամբ՝ տարածքային ամբողջականություն, ինքնիշխանություն, իրավազորություն և փոխադարձություն։ «Էս փուլում առաջարկում ենք երկաթուղային կապը բացենք՝ Հորադիզ-Երասխ գծի վրա, որտեղ Ադրբեջանից Ադրբեջան՝ Հայաստանի տարածքով և Հայաստանից Հայաստան՝ Ադրբեջանի տարածքով իրականացվեն բեռնափոխադրումներ»,- նշեց նա: